ميثاق شرف ليوم 25 يناير
إحنا نازلين 25 يناير .. مؤمنين بسلمية ثورتنا وإنها سبب تحقيقها لكل المكاسب لحد دلوقتي .. وضد أي محاولة لتخريب لأي منشآت عامة أو خاصة وهندافع عن ده في أماكن تظاهرنا .. ومعتقدين إن دم أي مصري حرام سواء كان مدني أو جيش أو شرطة .. هنرفض أي محاولات لاستفزازنا وإدخالنا في معركة تلهينا كشعب عن تسليم السلطة للشعب بعد أكتر من 60 سنة لأول مرة في تاريخ مصر .. حماسنا موجه لتحقيق مطالبنا .. ومستعدين نضحي بالغالي والنفيس عشان تحقيق حلم 25 يناير اللي لم يتغير لحد النهاردة .. إنهاء حكم العسكر لمصر.